ርፍረፋ ኣብ ደንገላት ጥቓ ዕዳጋ ሓሙስ

ብ ዕለት 21 ሕዳር 2013 ዓ.ም ኣብ ጥቓ ዕዳጋ ሓሙስ ደንገላት ኣብ ዝተብሃለ ቦታ ዓመታዊ ክብረ በዓል ል ምኽባር ኣብ ጥንታዊ ገዳም ማርያም ደንገላት ተኣኪቡ ካብ ዝነበረ ህዝቢ፡ ልዕሊ 82 ንፁሃት ብ ወረርቲ ወታደራት ህግደፍ ከም ዝተረፍረፉ ካብ ተወላዲ እቲ ኸባቢ ደዊልና ኣፃሪና ኣለና።

ተመሳሰልቲ ርፍረፋታት፡ ኣብ ውቕሮ፥ ኣብ ማይ ካድራ፥ ኣብ ሓውዜን፥ ኣብ እንዳ ኣባ ጉና፥ ኣብ ዓብዪ ዓዲ፥ ኣብ ብሶቤር (ደቡብ ትግራይ) ተፈፂሞም ከም ዘለው ይፍለጥ።

እዚ ኲናት ካብ ዝጅመር ብ ዛዕባ ብ ግፍዒ ዝተቐትሉ ስቪላውያን ተጋሩ ብ መልክዕ ዜና፣ ልጣፍ ማሕበራዊ መራኸብቲ ሓፋሽ ወይ እውን ብ ኻሊእ መንገዲ ዝረኸብኩምዎ ጭቡጥ መረዳእታ፡ ሙሉእ ስም፣ ቦታ፣ ዕድመ፥ ዕለት (ዝፍለጥ እንተዀይኑ)፥ ካልኦት ተወሰኽቲ ሓበሬታታት ብ ምሕባርን ምስ ፍልፍሎምን ብ ፈስይቡክ ወይ ብ ትዊተር ኽትሰዱልና ንላበው። ቍፅሪ ቴሌፎኩም እውን እንተሰዲድኩምልና፡ መንነትኩም እንተኢኣቃላዕና ክንድውለልኩም ንኽእል እይና።