ኣብ ኣምስተርዳም ካብ ዝ ተዳለወ መደብ “ል ትግራይ” ብ ዝተረኸበ ገንዘብ፡ ሰለስተ ኣብያተ ትምህርቲ ሓገዝ ናውቲ ተገይሩለን።

ብ ጠቕላላ  ልዕሊ 300000  ዝ ዋግኦም ናውቲ ል ሰለስተ ኣብያተ ትምህርቲ ወረዳ ሓውዜን ዝ ዀና ቤት ትምህርቲ 1ይ ብርኪ ደብረ ሂወት፥ ቤት ትምህርቲ 1ይ ብርኪ መጋብ፥ ቤት ትምህርቲ 2ይ ብርኪ መጋብ ተበርኪቱ። ዙ ሓገዝ፡  ኣብ  ስፕለንዶር  ኣምስተርዳም  ኣብ  ዝ ተዳለወ   መደብ  “ል ትግራይ” ካብ ዝ ተረኸበ ርብዒ ሚልዮን ገንዘብን እነይ ማራይከ ኮፐርድራት ዝ ተብሃላ ኔዘርላንዳዊት ዝ ኣበርከታኦ ፍሉይ ሓገዝን እይዩ።

ተወካሊ ቤት ፅሕፈት ትምህርትን መተሓባበሪ ከይዲ ስራሕ ስርዓተ ትምህርትን ወረዳ ሓውዜን መምህር ገብረማርያም ሓድጉ ል ቱ ሓገዝ ተረኪቦም፣ “ተን ኣብያተ ትምህርቲ ዝ ነበረን ሃፍተ ገነት ብሰንኪ ወራር ተዘሚቱ ብሕፅረት ናውቲ ኤሌክትሮኒክስ ተፀጊመን ምንባረን ድሕሪ ምግላፅ፣ ዙ ሓገዝ መሰርረታዊ ፀገም ተን ኣብያተ ትምህርቲ ኣብ ምፍታሕን ፅሬት ትምህርቲ ኣብ ምርግጋፅን ናይ ባዕሉ ግደ ከም ዘለዎን” ገሊፆም ከም ፀብብፃ ቢሮ ርክብ ጕድዳያት መንግስቲ ትግራይ፡፡ ኣመራርሓ ሓገዝ ዝ ተገበረልለን ኣብያተ ትምህርቲ፡ ቱ ሓገዝ ን ዝ ነበሮም ፀገም ብ ውስሱን ከም ዝ ይቐርፍ፣ ል ኣሳልጦት ስራሕቲ ትምህርቲን ኣልላልዮት ምስ ቴክኖሎጂን ልዑል ግደ ከም ዝ ይህልሉዎ ገሊፆም፥ ከም ፀብፃብ ቱ ቢሮ።

ቅድሚ ኣዋርሕ፡ ኣብ ስፕለንዶር ኣምስተርዳም ክልተ ኣብ ትግራይ ዝ ኣድሃቡ መደባት ተዳሊዎም ነይሮም። ቶም ክልተ መደባት  ብ ሰንናይ ፍቓድን ሓልዮትን  ኔዘርላንዳዊ ሙዚቅቀኝኛ ጃን ዊለም ባልየት፡ ብ ኣድዳላዊነት ባዕሉን ሰለስተ ካልኦትን (ገብረክርስቶስ ገብረስላሴ፥ ኣናን ማርዮሴን) እይዮም ተሳሊጦም።   

ስፕለንዶር  ኣምስተርዳም፡ ሓደ  ቦታ ምርኢት ሙዚቅቃ ኣብ ኣምስተርዳም (ኔዜርላንድ) ኰይኑ፡  ፍሉጣት ሙዚቀኝኛታት ኔዘርላንድ ዝ ተኣኻከቡልሉ እይዩ።  ኣብ  ዙ ቦታ “ል ትግራይ” ዝ ተሰመዩ ክልተ ዓብበይቲ መደባት ሙዚቅቃን ዘተን ተሳሊጦም ነይሮም። ቱ ፈልላማይ መደብ  (ኣብ ትሕቲ መራኽቦታት ቀድዳመዋይ መደብ ፡ ሕድዳጋት 1፥ 2፥ 3፥ 4፥ 5 ተመልከቱ)፡ ብ ዕለት 3 ለክካቲት 2015  ዝ ተኻየደ ኰይኑ፡ ብ ዛዕባ ኵነታት ትግራይን ኲናት ትግራይን ኣመልኪቱ ኣብ  ኔዘርንላድ ግንዛበ ል ምፍጣር ዝ ዓልለመ  ነይሩ።   

ብ ዕለት  27 መስከረም 2016 ዝ ተኻየደ  ካልአዋይ መደብ ክዓ ፡   መቐፅፀልታ  ቱ ቀድዳመዋይ መደብ ኰይኑ፡ ብ ፍሉይ ኽዓ “ብ ትምህርቲ ኣብቢልካ ተስፋ ትግራይ መሊስካ ምልምላም” ብ ዝ ይብል ርእሲ ኣብ ምድጋፍን ምብርባርን ትምህርቲ ዝ ዓልለመ ነይሩ።  (ኣብ ትሕቲ መራኽቦታት ካልአዋይ መደብ፡ ሕድዳጋት፥ 1፥ 2፥ 3 ተመልከቱ)።   ኣብ   ዙ ዋንና መልእኽቱ  ብ ምትንስስሳእ ትምህርቲ ኣብቢልካ ተስፋ  ተጋሩ ምልምላም  ዝ ነበረ ካልአዋይ መደብ፡ ገሊኦም ተሳተፍቲ ገንዘባዊ ድጋፍ ገይሮም ነይሮም።   ዙ ካብ ዙ  ድጋፍ ዝ ተረኸበ ገንዘብ እይዩ ል ዙ ዕላማ ውዒሉ ዘልሎ።  ል ሰለስተ ኣብያተ ትምህርቲ፡ ናይ መፃሕፍቲ፥ ማሽናት ፎቶኮፒ፥ ፕሮጀክተርን ኮምፒተራትን ዓድዲግናሉ ነበርክት ኣልለና።  

ብ ተወስሳኺ፡ እነይ ማራይከ ዝ ተብሃላ  ኔዘርላንዳዊት እንነ፡ ብ ምኽንያት ምኽባር ዓመተ ውልደተን፡  ብ ፍሉይ ዝ ኣበርከታኦ 40000 ቅርሺ  ል ሓገዝ   ቤት ትምህርቲ 1ይ ብርኪ ደብረ ሂወት ብ ምውዓል፡ ተወስሰኽቲ  ኮምፒተራት ዓድዲግናልሉ ኣልለና። 

 ዝርዝር ሓገዝ ዝ ተውሃባ ኣብያተ ትምህርትን ዓይነት ሓገዝን   

ቶም ል ሰለስቲአን ኣብያተ ትምህርቲ ዝ ተበርከቱ መፃሕፍቲ፡ ብ ኣክካዳሚ ቋንቋታት ትግራይ ዝ ተሓትተሙ ዓዓሰርተ ክልተ መፃሕፍቲ የካትቱ።

ቪድዮታት

ሀ) መራኽቦታት ቀድዳመዋይ መደብ 

1. https://tghat.com/2023/02/18/the-alarm-bell-for-tigray-event-in-amsterdam/

2. https://www.youtube.com/watch?v=7_Qypngemrs
3. https://tghat.com/2023/09/27/for-tigray-an-awareness-and-fundraising-event-to-help-schools-and-students-in-tigray/

4. https://tghat.com/2023/02/02/a-music-and-discussion-event-for-tigray-at-splendor-amsterdam-also-to-be-livestreamed/
5. https://www.splendoramsterdam.com/agenda/712438/noodklok-voor-tigray

ለ) መራኽቦታት ካልአዋይ መደብ 

1.  https://www.youtube.com/watch?v=xyO4mF0ZwkI
2.  https://www.youtube.com/watch?v=If5ZN93YfMc
3. https://www.splendoramsterdam.com/agenda/111344703/tigray-benefiet-live-stream

ዚኣቶም እውን ተመልከቱ